Plantun de Prouvènço

Pèr coumpara dos planto d'encò nostre

Phyteuma charmelii & Eupatorium cannabinum

Phyteuma charmelii

Campanulaceae

Noms en français : Raiponce de Charmeil, Herbe d'amour.

Descripcioun :
Poulit rapounchoun que trachis en pichòti mato dins li paret, li roucas e roucaio de montagno. Pendoulo souvènt en fin de sesoun. I'a dos meno de fueio : li d'en bas emé un pecou, soun proun larjo emé un bord denta alor qu'aquéli de la cambo soun en long, pu primo e un pau en lanço.

Usanço :
Dèu èstre manjadisso coume lis àutri rapounchoun e bessai vertuouso, pamens avèn ges d'entresigne segur.

Port : Erbo
Taio : 5 à 40 cm
Fueio : basalo
Tipe bioulougico : Emicriptoufite
Cicle bioulougico : Planto renadivo

Gènre : Phyteuma
Famiho : Campanulaceae

Ordre : Asterales

Coulour de la flour : Bluio
Petalo : 5
Ø (o loungour) enflourejado : 2 à 3 cm
Flourido : Printèms - Estiéu

Sòu : Ca
Autour basso e auto : 800 à 2300 m
Aparado : Noun
Jun à avoust

Liò : Paret - Roucas - Baus
Estànci : Subremediterran à Subaupen
Couroulougi : Ouroufito-Sud-Ouèst-Éuropenco
Ref. sc. : Phyteuma charmelii Vill., 1785

Eupatòri

Eupatorium cannabinum

Asteraceae Compositae

Àutri noum : Canebe-fèr, Carbe-fèr, Epatorium, Capoun.

Noms en français : Eupatoire à feuilles de chanvre, Eupatoire chanvrine.

Descripcioun :
Planto renadivo un pau grando (>1m), bourrihudo, emé de cambo rouginasso, e que s'arremarco emé si flour roso à blanco coumpausado de flouroun en tubo. Li fueio dóu bas, óupousado, soun divisado en fuioun que dounon d'èr à-n-aquéli dóu canebe.

Usanço :
L'éupatòri èi couneigu pèr èstre vertuous contro li problèmo de fege (coulagogue) e de rèn. S'emplego de maceracioun de flour, fueio e racino. Pamens, estènt douna la presènci d'alcalouïde èi counseia de pas n'en prendre de longo.